Zvicra prezanton planin për parandalimin e terrorizmit

Ministri zviceran i punëve të jashtme, Didier Burkhalter e ka prezantuar planin në fjalë në Konferencën që po mbahet në Gjenevë, për parandalimin e ekstremizmit të dhunshëm

Në një konferencë që e ka organizuar së bashku me OKB-në, Zvicra ka prezantuar dhe lansuar një plan për luftimin e terrorizmit.

Ministri zviceran i punëve të jashtme, Didier Burkhalter e ka prezantuar planin në fjalë në Konferencën që po mbahet në Gjenevë, për parandalimin e ekstremizmit të dhunshëm.

Parandalimi konsiston në atë që të promovohet shteti i të drejtës dhe respektimi i të drejtave të njeriut. Këto duhen respektuar edhe në konfliktet e armatosura, ka thënë Burkhalter, shkruan srf.ch. Sepse, është me rëndësi që të krijohen perspektiva për të gjithë njerëzit në botë, ka arsyetuar ai.

Në konferencën në Gjenevë, sekretari gjeneral i OKB-së, Ban Ki Moon u ka bërë thirrje unitet dhe bashkëpunim të gjitha shteteve anëtare të organizatës.