Zvicra, vendi i dytë më i lumtur në botë

Zvicra e ka mbajtur për një vit vendin e parë në këtë listë, ndërsa sipas raportit mëtë ri, këtë vend e ka zënë Danimarka

Nëse «shkalla» e lumturisë është diçka që matet, atëherë zviceranët do të rezultonin si kombi i dytë më i lumtur në botë. Kështu del nga një raport mbi «lumturinë në botë» që e ka prezantuar Earth Institute der Columbia University, në Romë.

Zvicra e ka mbajtur për një vit vendin e parë në këtë listë, ndërsa sipas raportit mëtë ri, këtë vend e ka zënë Danimarka, ndërsa në vendin e tretë është Islanda.

Raporti është realizuarm bi bazën e anketimit të rreth 3000 pjesëmarrësve nga 160 vende të botës.

Në mesin e dhjetë vendeve me njerëzit më të lumtur në botë hyjnë edhe Norvegjia, Finlanda, Kanadaja, Holanda, Zelanda e Re, Australia dhe Suedia.

Ndërsa në fund të listës janë shtetet si Burundi, Siria dhe Togoja. Vetëm pesë nga 30 vendet e fundit janë jashtë Afrikës.