Zvicra vendi numër 1 në botë për inovacion

Është hera e gjashtë me radhë që Zvicra e udhëheq tabelën e përbërë nga 128 shtete që janë vlerësuar për shkallën e zgjidhjeve inovative

Zvicra ka qenë dhe vazhdon të mbetet shteti më inovativ në botë. Këtë e bën të ditur Global Innovation Index, një raport që e publikon në baza vjetore organizata e OKB-së WIPO me seli në Gjenevë për pronësi intelektuale në bashkëpunium me dy universitete, shkruan nzz.ch.

Është hera e gjashtë me radhë që Zvicra e udhëheq tabelën e përbërë nga 128 shtete që janë vlerësuar për shkallën e zgjidhjeve inovative që janë bërë nga njerëzit e vendeve përkatëse.

Këtë vit Zvicra është në listë para Suedisë, Britanisë së Madhe, SHBA-së etj., transmeton albinfo.ch. Ndërkaq Kina për herë të parë këtë vit ka hyrë në mesin e 25 vendeve më inovative në botë.

Për përpilimin e listës janë vlerësuar rezultatet ekonomike dhe inovative në bazë të 82 indikatorëve të ndryshëm.

Ajo që bie në sy është se në mesin e 25 vendeve më inovative në botë, 15 janë shtete evropiane.

SHBA-ja është shteti i parë që bvjen në radhë pas 5 shteteve evropiane që kryesojnë listën. Dhe pas saj vijnë sërish shtete evropiane si Finlanda, Irlanda, Danimarka, Holanda dhe Gjermania (e dhjeta).