Ndërkohë, ai ka bërë të ditur se gjatë të dielës ka nisur edhe vaksinimi i personave të moshave 80-84 vjeç, ashtu siç ishte e planifikuar.

“Sot kemi filluar me grupmoshën 80-84 vjeçare. Deri më tani procesi i vaksinimit ka ecur mirë. Po ashtu edhe sot po ecën mirë me këtë kategori. Deri në këto çaste që ne po flasim kemi të vaksinuar 100 persona, ndërsa numri total i të vaksinuarve nga grupmoshat mbi 80 vjeç i kemi gjithsej 668 persona të vaksinuar”, ka thënë Bardhi.

Kosova deri më tani ka pranuar vetëm 24 mijë doza të vaksinës AstraZeneca, ndërkohë që Ministria e Shëndetësisë ka bërë të ditur se kontingjenti i radhës i vaksinave pritet të vijë në fund të muajit prill ose në fillim të muajit maj.

Deri më tani, me dozat e para që kanë mbërritur në Kosovë janë vaksinuar një pjesë e stafit shëndetësor në shumë qytete të Kosovës dhe një pjesë e personave mbi 80 vjeç, shkruajnë mediat kosovare, përcjell albinfo.ch.