​Shqipëria, në kërkim të të dyshuarve për vrasjen e policit të Malit të Zi

Policia ka identifikuar të dyshuarit për vrasjen e oficerit të policisë së Malit të Zi, Milutin Lekoviq. Siç raportohet nga Drejtoria e Policisë, kryesi i drejtpërdrejtë i krimit është L.H. (43) shtetas i Republikës së Shqipërisë. Me të ishin L.H. (49) dhe N.H. (67), gjithashtu shtetas të Republikës së Shqipërisë.

“Të tre personat akuzohen për veprën penale të vrasjes në mënyrë mizore dhe të fshehtë në dëm të një zyrtari në ushtrimin e detyrës zyrtare dhe veprën penale mbajtja e paligjshme e armëve dhe substancave eksplozive, dhe në lidhje me veprën penale të Kalimit të Paligjshëm të Kufirit Shtetëror dhe Kontrabandës së Njerëzve”, tha Drejtoria e Policisë.

Republika e Shqipërisë është në kërkim të autorit të vrasjes së oficerit të policisë, L.H. (43) dhe L.H. (49) për të kryer veprën penale të mbajtjes pa leje të armës së zjarrit dhe municionit, ndërsa N.H. kërkohet në baza nacionale që nga viti 2018 për veprat penale të kërcënimeve, njoftoi Policia e Malit të Zi. Ata do të dalin para Prokurorit të Shtetit në Podgoricë, në orën 16:00.

Lekoviq u vra pasditen e djeshme në detyrë, ndërsa kapi tre persona që nuk kishin dokumente personale. Ai u qëllua në qafë nga njëri prej të dyshuarve në një automjet policor, me një armë që e mbante të fshehur. Pas përpjekjes për të ikur në kufirin me Kroacinë, sulmuesit u arrestuan në Sutorina, përcjell albinfo.ch.

Njëri prej tyre, një burrë rreth moshës 45-vjeç, nxori një armë dhe ia drejtoi oficerëve të policisë gjatë arrestimit, duke shqiptuar fjalë kërcënuese.