​Von der Leyen: Zgjerimi i BE-së, situatë fituese për të gjithë

Në një takim të komisionarëve, Komisioni Evropian miratoi një propozim për një metodologji të rishikuar për procesin e pranimit në BE.

Presidentja e Komisionit, Ursula von der Leyen, thotë se është “një lajm i mirë” për miqtë në Ballkanin Perëndimor.

“Zgjerimi i BE-së është një situatë fitore për të gjithë”, tha ajo, transmeton KosovaPress. Ursula fon der Leyen njoftoi në llogarinë e saj në Twitter se metodologjia e re e procesit të pranimit, e miratuar në një mbledhje të komisionarëve, do të paraqitet sot në Bruksel.

“Komisioni sot po propozon një plan të besueshëm dhe dinamik që do t’i hapë rrugën hapjes së negociatave të pranimit me Shqipërinë dhe Maqedoninë Veriore”, shkruan Von der Leyen. Sanksionet, por edhe stimulimet për vendet kandidate janë parashikuar në lidhje me mënyrën se si ato plotësojnë kushtet dhe reformat e nevojshme gjatë procesit të pranimit.

Metodologjia e re nuk do të zbatohet për Serbinë dhe Malin e Zi, por lë mundësinë që të dy vendet, nëse dëshirojnë, të mbulohen nga anëtarësimi i ri, të deklarohen në Komision.

“Për të sjellë një dinamizëm më të madh në negociatat me Serbinë dhe Malin e Zi, puna në kapituj gjithashtu mund të organizohet rreth grupimeve, në lidhje me kornizat ekzistuese të bisedimeve dhe me marrëveshjen e këtyre vendeve”, thuhet në dokument.

Pas prezantimit të dokumentit, vendet anëtare të BE-së do të fillojnë një debat mbi miratimin e një metodologjie të re që duhet të sigurojë dinamikë dhe efektivitet të ri për politikën e zgjerimit të BE-së.