1059 infeksione të reja dhe asnjë i vdekur në 24 orët e fundit në Zvicër

Me trendin aktual, mesatarja 7-ditore e infeksioneve të reja dyfishohet afërsisht çdo 91 ditë

Zyra Federale e Shëndetit Publik ka raportuar 1,059 raste të reja që ishin testuar pozitive për koronavirusin në 24 orët e fundit.

Mesatarja 7-ditore është 746. Kjo është 5 për qind më shumë se në javën e kaluar. Me trendin aktual, mesatarja 7-ditore e infeksioneve të reja dyfishohet afërsisht çdo 91 ditë, shkruan srf.ch. Incidenca 14-ditore është aktualisht 117.47.

Norma mesatare pozitive 7-ditore është aktualisht 4.6 përqind. Krahasuar me javën e kaluar, norma pozitive është rritur me 1 pikë përqindje, transmeton albinfo.ch. Numri i testimeve të kryera në një mesatare 7-ditore është 20,219 teste në ditë dhe kështu është ulur me 13 për qind në krahasim me javën e kaluar.

BAG nuk raporton ndonjë rast të ri të vdekjes në 24 orët e fundit. Mesatarja 7-ditore është 1  vdekje në ditë.

BAG aktualisht raporton 197 persona që po trajtohen në spital për Covid-19. Kjo është 18 për qind më shumë se në javën e kaluar.

---