Botërori 2026: Çekia dhe Afrika e Jugut ndajnë pikët në një barazim dramatik

Czechia-v-South-Africa-Group-A-FIFA-World-Cup-2026 (1)

Çekia dhe Afrika e Jugut kanë mbyllur ndeshjen e Grupit A në Kupën e Botës 2026 me rezultat të barabartë 1:1, në një përballje të zhvilluar të enjten mbrëma.

Takimi u karakterizua me ritëm të lartë dhe intensitet të vazhdueshëm, me të dy skuadrat që kërkonin me ngulm fitoren për të mbetur në garë për kualifikim.

Çekia e nisi më mirë sfidën dhe kaloi në epërsi që në minutën e 6-të, kur Sadílek shënoi për 1:0. Pas golit të hershëm, çekët kontrolluan lojën dhe mbajtën iniciativën, ndërsa Afrika e Jugut tentoi të reagojë, por pa krijuar raste të pastra në pjesën e parë.

Në pjesën e dytë, Afrika e Jugut rriti presionin dhe u bë më kërkuese në sulm. Përpjekjet u shpërblyen në minutën e 83-të, kur Mokoena realizoi nga penalltia për 1:1, rezultat që mbeti i pandryshuar deri në fund të takimit.

Pas këtij barazimi, të dyja skuadrat ndajnë nga një pikë në Grupin A, ndërsa Meksika dhe Koreja e Jugut kryesojnë grupin me nga tri pikë.