200 policë të lënduar nga trazirat në Francë

Richard Fox, Twitter

Rreth 45,000 policë dhe disa automjete të blinduara u vendosën nëpër qytetet e Francës, ku ka protesta pasi 17-vjeçari Nahel M., u qëllua nga një polic gjatë një ndalimi të martën në Nanterre.

Autoritetet franceze kanë njoftuar se gjatë këtyre protestave janë plagosur mbi 200 policë.

Ministri i Financave, Bruno Le Maire, tha se më shumë se 700 dyqane, supermarkete, restorante dhe degë bankash ishin “grabitur, plaçkitur dhe në disa raste ishin djegur tërësisht që nga e marta”, shkruan Zëri i Amerikës.

17-vjeçari u varros pasdite, ku qindra njerëz u rreshtuan për të hyrë në xhaminë ku u zhvillua ceremonia mortore.

Ministria e Brendshme raportoi 719 arrestime gjatë natës, që sipas Gérald Darmanin, ishte më e qetë.

Shtëpia e një kryetari bashkie të Val-de-Marne megjithatë u sulmua me një makinë dhe incidente ndodhën në Marsejë, shkruan Le Monde.