Bota

23 persona të vdekur nga tornado në SHBA

E hënë, 4 Mars 2019 - 10:50 albinfo.ch

Të paktën 23 persona kanë humbur jetën si pasojë e tornadove në Alabama të Shteteve të Bashkuara të Amerikës.

Sherifi Jay Jones deklaroi për mediat vendase se demi i shkaktuar është katastrofik dhe se, ekziston frika për gjetjen e më shumë trupave të pajetë. Ndërkaq mbetet i panjohur numri i personave të plagosur.

Forca të shpëtimit kanë vijuar kërkimet për gjetjen e trupave edhe përgjatë orëve të natës.

Sipas Shërbimit Kombëtar të Motit tronado i parë pati një fuqi 266 km/orë dhe gjerësi gjysme milje.

Eric Sntil, një meteorolog nga Albama tha se tornadoja i fundit ka shkaktuar më shumë viktima në një ditë se të gjithë tornadot në SHBA përgjatë 2018-s.

“Fatkeqësisht, numri i viktimave aktualisht është 23”, ka thënë sherifi, Jay Jones për mediat.

Ai ka thënë edhe se personat e tjerë janë dërguar në spital, disa prej tyre me “plagë serioze”, transmeton rel.

Më shumë se 6,000 shtëpi kanë mbetur pa energji elektrike në Alabama, derisa dëmet janë vërejtur edhe në shtetin fqinj, Xhorxhia, përcjell albinfo.ch.

Në disa pamje shihet se si pasojë e stuhisë, pemët janë ndarë në dysh, rrugët janë shkatërruar dhe shtëpitë janë rrëzuar.

Presidenti amerikan, Donald Trump u ka bërë thirrje banorëve të këtij vendi, përmes një postimi në Twitter, që të jenë “të kujdesshëm dhe të sigurt”.

“Stuhitë janë shumë të ashpra por edhe më keq mund të bëhet. Zoti ju bekoftë të gjithë juve, familjeve dhe shokëve të viktimave si dhe të plagosurve”, ka thënë ai.

 

 Të ngjashme

Një neurokirurg akademik shqiptar, në mes të Kolorados dhe Bazelit

 Të tjera nga Bota

Diskutimet evropiane për qendrat e kthimit të migrantëve po përparojnë

 E-Diaspora

 Jeta në Gjermani