24-vjeçari akuzohet për vrasje

Kosovari 24-vjeçar “pa letra” do të paraqitet sot para gjykatës për vrasjen e një kosovari 32-vjeçar në shkurt 2011 në Neuchâtel.

“Ata kishin dalë për t’u argëtuar dhe u kthyen me duart e lara në gjak”, komenton gazetari i “20 Miutes”. Bëhet fjalë për natën e 24-25 shkurtit 2011, kur disa kosovarë grinden me një burrë po ashtu kosovar (32-vjeçar) brenda klubit të natës “Highlander” në Neuchâtel.

Meqë situata po përkeqësohej, sigurimi i diskotekës i nxjerr përjashta. Me të dalë në rrugë theret me thikë kosovari (32-vjeçar) me letërnjoftim serb. Ai vdes para diskotekës në fjalë. Të katërtit ikin menjëherë para se të arrestohen me vonë nga policia.

Goditja fatale supozohet të jetë dhënë nga një kosovar 24 vjeç, i cili jeton ilegalisht në Zvicër. Ai është akuzuar për vrasje, rrahje, dhunë dhe tentativë kërcënimi kundër autoriteteve dhe zyrtarëve. Të tre të pandehurit e tjerë janë dy vëllezër po ashtu kosovarë, si dhe një zviceran dhe janë të akuzuar për përleshje si dhe për pjesëmarrje në vrasje dhe rrahje.

I hapur të mërkurën, gjykimi do të vazhdojë së paku deri të enjten.

Shkrimi albinfo.ch në lidhje me këtë rast: Vritet pasi ia shkelë këpucën