28 Nëntori më ndryshe, gati 28 çelësat për 28 familje

Shoqata Humanitare “Jetimat e Ballkanit”, në ditën e flamurit kombëtar, në bashkëpunim me Komunën e Prizrenit, do të ndajë 28 palë çelësa, më 28 nëntor, për 28 familjare në nevojë.

Kjo është njëra nga iniciativat më të fuqishme humanitare që pritet të realizohet në historinë e re të Kosovës.

Ndryshe, drejtori i shoqatës, Halil Kastrati në profilin e tij në “Facebook” ka shpalosur shqiponjën dykrenare të punuar enkas për këtë ngjarje, në krahët e së cilës janë vendosur çelësat që do të pajisen familjet nevojtare, përcjell albinfo.ch.

“Më ndryshe – gëzim i madh për të gjithë ne. Gëzim i veçantë për 28 familje. 28 pale çelësa të varura në Shqiponjën dy krenare. Urime”, ka shkruar Kastrati.

Kjo shoqatë ndihmon familjet që kanë nevojë, derisa edhe mërgimtarët kanë dhënë ndihmë të madhe, duke ndihmuar shumë familje që të bëhen me shtëpi.