3.6 miliardë euro për ta luftuar koronavirusin në Itali

Italia do të marrë masa të reja për luftën kundër përhapjes së koronavirusit, përfshirë ndarjen e 3.6 miliardë eurove si ndihmë për sektorin e ekonomisë, që po i vuan pasojat e krizës shëndetësore. Lajmin e bëri të ditur ministri i Ekonomisë, Roberto Gualtieri.

Gjatë një interviste për gazetën “La Repubblica”, Gualtieri tha që ka besim se Bashkimi Evropian do ta miratojë rritjen e nevojshme të deficitit zyrtar të Italisë, duke shtuar se grupi i ministrave evropianë do të bisedojë mes vete përmes telefonit rreth situatës.

Italia është duke u përballur me përhapjen më të madhe të koronavirusit në Evropë. Në këtë shtet tashmë janë konfirmuar më shumë se 1 100 raste të konfirmuara që nga 20 shkurti. Për më tepër, së paku 29 persona kanë vdekur.

Rajonet më të prekura janë Lombardia dhe Veneto. Në Lombardi gjendet edhe qyteti i famshëm i Milanos, shkruan “Reuters”, transmeton Gazeta Express, përcjell albinfo.ch.

---