-35 gradë në Glattalp të Zvicrës

Edhe në qytete ka mbretëruar një mot i ftohtë me temperatura rreth 15 gradë nën zero. Kështu ka qenë në Bernë, Cyrih, Friburg etj.

Keystone

Temperaturat në mes minus 10 e minus 15 kanë qenë “standarde” për pjesën më të madhe të vendbanimeve të Zvicrës, ndërkohë që në lartësira ka pasur vende edhe me minus 25 gradë. Por, në një vend të pabanuar, në Glattalp të Kantonit Schwyz, termometri ka shënuar temperaturën rekorde, minus 35 gradë! Kjo bëhet e ditur nga meteonews.

Ndërkohë temperatura në La Brevine fshatin që ndryshe njihet si “Siberia e Zvicrës”, mbrëmë temperatura ka qenë pak më e “ngrohtë” se një natë më parë, gjegjësisht 26.4 gradë nën zero (nga 29.9 sa ishte).

Edhe në qytete ka mbretëruar një mot i ftohtë me temperatura rreth 15 gradë nën zero, transmeton albinfo.ch. Kështu ka qenë në Bernë, Cyrih, Friburg etj.

Edhe në ditët në vijim parashikohet vazhdimi i temperaturave të ftohta, ndonëse jo në nivelin që kanë qenë të premten dhe janë, të shtunën. Të dielën pritet që të ketë reshje bore në pjesën veriore të Alpeve. Sipas meteonews përgjatë maleve bora do të arrijë trashësinë në mes 10 e 20 centimetrave ndërsa në ultësira, më pak.