36 kilogramë marihuanë në makinën e çiftit nga Maqedonia

Çifti, së bashku me gjithsej 36 kilogramët e marihuanës së gjetur i është dorëzuar Policisë Kantonale të St. Gallenit

Në vendkalimin kufitar në St. Margrethen, rojet zvicerane të kufirit kanë ndaluar makinën e një çifti nga Maqedonia. Duke e kontrolluar makinën ata kishin nuhatur aromë të fortë marihuane, shkruan tagblatt.ch. Me kontrollimin më të detajuar specialistët e drogës kanë hasur në dy „xhepa“ të improvizuar në dy vende, transmeton albinfo.ch. Kështu, në bagazhin e makinës ata zbuluan një mur të dyfishtë, mbrapa të cilit gjetën pakot e para të drogës. Ndërsa në mbrojtësin e mbrapë (parakolp) ata gjetën pjesën tjetër të marihuanës së fshehur.

Çifti, së bashku me gjithsej 36 kilogramët e marihuanës së gjetur i është dorëzuar Policisë Kantonale të St. Gallenit.

Kjo ngjarje ka ndodhur më 16 qershor të këtij viti. Por „për shkak të nevojës për të mbrojtur hetimet, informimi është bërë vetëm tash“, thuhet në një komunikatë të rojeve kufitare.