371,648 persona të papunë në Austri

Sipas të dhënave në muajin tetor, papunësia shënon rritje

Zhvillimi i dobët ekonomik vazhdon të tensionojë tregun e punës. Sipas Ministrisë së Punës, në fund të muajit tetor janë regjistruar si të papunë ose në trajnim në Shërbimin Publik të Punësimit (SHPM) 371,648 persona. Kjo shifër paraqet një rritje prej 32,752 individësh krahasuar me të njëjtën periudhë të një viti më parë, 2023, siç deklaroi ministri i Punës Martin Kocher (ÖVP) gjatë një konference për shtyp të hënën, transmeton albinfo.at.

Ka “shenja fillestare” për të qenë “me kujdes optimist” për rritjen ekonomike, shtoi ministri, duke iu referuar vlerësimit të WIFO GDP për tremujorin e tretë. Rimëkëmbja ekonomike është thelbësore për “stabilizimin” e tregut të punës.

Në fund të muajit tetor, shkalla e papunësisë ishte 6.9 për qind. Gjatë dekadës së fundit, shkalla mesatare e papunësisë për muajin tetor ka qenë 7.5 për qind, sipas Ministrisë së Punës, shkruan theinternational.at.

Kocher theksoi gjithashtu se, “me gjithë papunësinë në rritje, numri i vendeve të lira të punës mbetet i lartë, në 87,484”. Ai vuri në dukje rritjen e shifrave të punësimit si “inkurajuese”. Krahasuar me të njëjtin muaj të vitit të kaluar, në fund të tetorit janë punësuar 9000 persona shtesë ose 0.2 për qind. Sipas Ministrisë së Punës, për ata mbi 50 vjeç janë punësuar 16,000 persona të tjerë. Në terma absolutë, “ky përfaqëson një rekord të ri për tetorin”, tha ministri i Punës.

 

---