4 mijë veta vallëzuan në ballon e Austrisë së Epërme në Vjenë

Për të 115-tën herë, të shtunën në mbrëmje në “Wiener Austria Center” në Vjenë u organizua ballo e Austrisë së Epërme (Ball der Oberösterreicher in Wien).

Rreth 4 mijë mysafirë ishin të pranishëm në ballon e Austrisë së Epërme, e cila u organizua për të 115-tën herë në Vjenë të Austrisë. Më veshje tradicionale, vallëzime të ndryshme dhe argëtim kaluan natën të pranishmit, të cilët kishin udhëtuar nga qytetet e ndryshme të Austrisë së Epërme për t’u argëtuar së bashku në një natë të vetme.

Në këtë mbrëmje, ku ishte e ftuar edhe albinfo.ch, i pranishëm ishte edhe Ambasadori i Shqipërisë, Rolando Bimo, Instituti i Studimeve të Evropës Juglindore, z. Lulëzim Hajdari dhe Partia Demokratike e Unitetit, Miftar Kastrati. Zotëri Kastrati ishte edhe bashkorganizator i kësaj mbrëmjeje madhështore. “Prej vitesh jam pjesë e organizimit të kësaj mbrëmjeje dhe jam i lumtur që ashtu sikur edhe viteve të kaluara, edhe këtë vit janë të pranishme edhe institucionet shqiptare”, ka thënë ai për albinfo.ch, duke shtuar se çdo vit fton ambasadën e Shqipërisë si dhe atë të Kosovës.