40 Sarandat nga Kosova vizitojnë Sarandën

E ambasadori i Shqipërisë në Kosovë Qemal Minxhozi ka thënë se në Kosovë janë më shumë se 1000 vajza me emrin Saranda

Saranda, është emri që i bashkon, këto 40 vajza nga Kosova dhe qytetin bregdetar. Për herë të parë ato janë bërë bashkë në qytetin prej nga kanë marrë emrin.

Pjesë e grupit të 40 Sarandave është edhe një deputetja  Saranda Bogujevci e cila ka thënë për Televizion Ora News se është kënaqësi të bësh një vizitë e tillë. “Si fëmijë na është folur shumë për Sarandën, por atëherë na është dukur si ëndërr dhe e pa realizueshme mundësia për ta vizituar Sarandën”, ka thënë ajo.

Saranda Myftari është e vetmja që ka lindur në qytetin bregdetar në vitin 1999, në kohën e luftës së Kosovës, dhe ky është rikthimi i parë në vendlindje. E ambasadori i Shqipërisë në Kosovë Qemal Minxhozi ka thënë se në Kosovë janë më shumë se 1000 vajza me emrin Saranda.

40 Sarandat nga Kosova ndenjën një fundjavë në Sarandë ku vizituan Sarandën, Ksamilin qytetin antik të Butrintit dhe resurse të tjera në qytetin e Sarandës.