44 grabitje dhe mbi 1 milion paund dëme, goditet banda shqiptare në Britani

Kapet banda shqiptare në Britani,grabitën çanta dhe ora me vlerë mbi 1 mln paund

Policia britanike ka goditur një bandë të organizuar shqiptare, e dyshuar për një seri grabitjesh të sofistikuara të çantave firmato, orëve luksoze dhe bizhuterive, me dëme që tejkalojnë 1 milion paund, transmeton albinfo.ch.

Referuar Policisë së Cheshire, banda ka kryer të paktën 44 vjedhje në disa qarqe të Britanisë së Madhe, përfshirë zona të pasura si Barnt Green, Redditch dhe Nottinghamshire. Anëtarët hynin në banesa përmes dritareve dhe ballkoneve të katit të parë, duke përdorur shkallë.

Gjatë bastisjeve në Birmingham dhe Walsall u sekuestruan dhjetëra sende luksoze, telefona celularë dhe qindra imazhe të pronave të vjedhura, të cilat ndihmuan në zbardhjen e rrjetit kriminal.

Pesë shtetas shqiptarë dhe një grua britanike janë shpallur fajtorë. Mes tyre janë Endrit Nikolli, Kristian Gropcaj, George Lleshaj, Krisjian Dedndreaj dhe Sidorjan Lleshi. Të gjithë kanë pranuar fajësinë për komplot grabitjeje dhe posedim të pasurisë kriminale.

Shpallja e dënimit pritet më 20 shkurt në Gjykatën e Kurorës në Chester./Albinfo.ch

---