Kosovë: 31 raste të reja me koronavirus dhe asnjë i vdekur

Sipas këtij njoftimi, gjatë 24 orëve të fundit nuk është regjistruar asnjë viktimë, ndërsa janë shëruar 150 pacientë

Në Kosovë të enjten janë konfirmuar 31 raste të reja me koronavirus, bën të ditur Ministria e Shëndetësisë. Rastet e reja pozitive kanë rezultuar pas testimit të 2,332 mostrave.

Sipas këtij njoftimi, gjatë 24 orëve të fundit nuk është regjistruar asnjë viktimë, ndërsa janë shëruar 150 pacientë.

Raste aktive me koronavirus aktualisht janë 924.

Që nga fillimi i pandemisë, pranverën e vitit të kaluar, në Kosovë janë konfirmuar gjithsej mbi 160,000 raste me koronavirus dhe 2,973 viktima.

Kosova ka nisur fushatën e vaksinimit në fund të marsit.

Deri të enjten, mbi 654,000 qytetarë janë vaksinuar plotësisht.

---