56 përqind e të rriturve në Zvicër dëshirojnë të vaksinohen

tek moshat 51 deri 79 vjeç, gatishmëria për të vaksinuar ishte qartësisht më e larta, me 73 për qind

56 përqind e popullsisë së rritur në Zvicër dëshiron “me siguri” ose “më shumë po se jo”, që të vaksinohet. Ky është rezultati i një sondazhi të realizuar nga instituti i sondazheve Link, që u publikua të shtunën. Për këtë qëllim, janë intervistuar 1172 njerëz në fillim të marsit, shkruan sda.ch.

Ndër të anketuarit nga 18 deri në 34 vjeç, vetëm 48 për qind duan të vaksinohen “Me siguri” ose “më shumë po se jo”. Midis 35-50 vjeçarëve, 55 për qind thonë se janë “të sigurt” ose “më shumë po se jo” për tu vaksinuar, transmeton albinfo.ch. Ndërsa tek moshat 51 deri 79 vjeç, gatishmëria për të vaksinuar ishte qartësisht më e larta, me 73 për qind.

Në Zvicrën frankofone, vetëm 23 për qind dëshirojnë të vaksinohen “me siguri”, në Ticino 41 për qind dhe në Zvicër gjermanofolëse 43 për qind.

---