5700 veta kërkojnë azil gjatë nëntorit në Zvicër

Gjatë muajit nëntor në Zvicër kanë ardhur afërsisht 5700 azilkërkues dhe ky numër është për 900 më i madh se ai i regjistruar gjatë tetorit. Siç bën të ditur Sekretariati Federal për Migracion (SEM) rritje ka shënuar sidomos numri i azilkërkuesve nga Afganistani dhe nga Siria.

Marrë në përgjithesi, nga janari deri tash në Zvicër janë regjistruar afër 35.000kërkesa azili, që eshtë dukshëm më shumë se sa ishte parashikuar në fillim të vitit.

Më së shumtu kërkues azili gjatë nëntorit janë regjstruar nga Afganistani, 2386 që është për 853 më shumë, nga Siria 991 (plus370) dhe nga Iraku 586 (plus 67).

Arsyeja kryesore e rritjes së numrit të azilkërkuesve nga Afganistani është mungesa e stabilitetot në vazhdimësi dhe situata e tendosur në qendrat e pranimit në vendet evropiane dhe në shtetet ku kalon rruga e tyre tranzitore.