6 muaj burg për kosovarin, i janë gjetur 1.000 paqeta cigaresh të vjedhura

Ai është dënuar në gjykatën rajonale të Feldkirch-ut me gjashtë muaj burg për marrjen e mallrave të vjedhura

Një kosovar është kapur në kufirin zviceran me 96 kuti që kanë secila nga 10 paqeta cigaresh, të cilat hajdutët i kanë vjedhur në janar në një shitore duhani në Dornbirn të Austrisë.

Ai është dënuar në gjykatën rajonale të Feldkirch-ut me gjashtë muaj burg për marrjen e mallrave të vjedhura, shkruan tagblatt.ch.

Kur ishte plaçkitur një shitore duhani në Dornbirn në janar të këtij viti me ç`rast mungonin 96 kuti me paqeta cigaresh dhe disa puro, autoritetet kishin nisur hetimet kundër “personit të panjohur”.

Për sa u përket hajdutëve, gjendja vazhdon të jetë po ajo: ata janë të panjohur, transmeton albinfo.ch. Por njeriu që kishte marrë përsipër cigaret dhe donte t’i shiste ato tani është kapur dhe dënuar me gjashtë muaj burg për mallrat e vjedhura.

Kosovari i cili ka një precedent penal penal në Zvicër, jeton në Lozanë. Ai ka marrë pthirrjen, por nuk ka udhëtuar për të marrë pjesë në procesin gjyqësor në gjykatën rajonale në Feldkirch.

Në Zvicër, ky person që punon si mjeshtër për shtrimin e pllakave ishte dënuar disa herë, ndër të tjera, për vjedhje, kështu që burgu nuk është ndovendbanim i panjohur për të.

31 vjeçari, i cili pretendon se fiton 5,000 franga zvicerane në muaj, u kap në doganë gjatë një inspektimi rutinë në Rheintalautobahn në Hörbranz, transmeton albinfo.ch. Me rastin e kontrollimit të makinës së tij ishte zbuluar malli i vjedhur.

Një regjistrim i të dhënave të thirrjeve telefonike nuk mund të provonte se ai kishte qenë atje kur qe thyer dyqani i duhanit.

Malli i vjedhur u arrit të sigurohej, gjë që pati një efekt pozitiv në masën e dënimit, përcjell albinfo.ch. Nga ana tjetër, tre precedentet përkatëse penale të kosovarit, kanë vepruar si rrethana rënduese.

Ai është dënuar në mungesë. Pasi që vendimi t`i dërgohet me postë, ai ka mundësinë ta kundërshtojë ose ta pranojë atë.

---