6 policë e disa protestues lëndohen nga përplasjet në Dibër

Situata politike para zgjedhjeve të së dielës në Shqipëri po vazhdon të bëhet edhe me e tensionuar.
Gjashtë pjesëtarë të policisë kanë mbetur të lënduar gjatë përplasjeve në Komisionin Zonal të Administrimit të Zgjedhjeve (KZAZ) nr.19 në Dibër. Mediat në Shqipëri raportojnë se të lënduar kanë mbetur edhe disa protestues.
Përplasja në KZAZ-në 19 erdhi pas protestave të mbështetësve të Partisë Demokratike, përcjell albinfo.ch.
Protestuesit janë përplasur ashpër me policinë, duke bërë që këta të fundit të përdorin gaz lotsjellës për të shpërndarë ata me forcë.
Policia njofton se janë goditur me sende të forta, kapsolla e bomba molotov nga protestuesit.
Përplasje mes policisë dhe protestuesve mbrëmë ka pasur edhe në KZAZ-të e Burrelit, Klosit e Bulqizës.