61 miliardë franga për shëndetësinë

Kjo shumë, e pjesëtuar me banor është 653 franga në muaj për secilin zviceran

Zvicrës,  gjatë vitit 2009 shëndetësia i ka kushtuar plot 61 miliardë franga, që është 4.3% më shumë se një vit më parë. Kjo shumë, e pjesëtuar me banor është 653 franga në muaj për secilin zviceran, shkruan news.ch.

Siç bën të ditur Enti Federal për Statistikë, më së shumti, ose 6.3% janë ngritur shpenzimet në trajtimin ambulantor në spitale. Shitja e medikamenteve si dhe përkujdesja e përhershme në shtëpitë përkatëse ka kushtuar 5.3 % më tepër ndërsa trajtimi akut në spitale ka marrë 4.4% më shumë mjete se një vit më parë.

Për këta katër lëmenj janë shpenzuar 36.1 miliardë franga ose rreth 60% të shpenzimeve të gjithëmbarshme për shëndetësinë. Këto shuma janë financuar para së gjithash nga sigurimi bazë shëndetësor, (dy të tretat) dhe pjesa tjetër nga personat privatë.