63% të zviceranëve, pro dhurimit të organeve, edhe pa pëlqimin paraprak

Aktualisht, dhuruesit potencialë të organeve për transplantim në Zvicër duhet të kenë një librezë, si dhurues organesh

foto ilustrim

Një sondazh i realizuar nga Comparis në Zvicrën gjermane dhe në atë frankofone, ka konstatuar se 63% të zviceranëve e mbështesin dhurimin e organeve edhe pa pasur librezën përkatëse, shkruan srf.ch. Kështu, ata janë shprehur në favor të ndryshimit te kushtetutës së vendit, sipas të cilës sot, marrja e organit duhet të refuzohet në mënyrë eksplicite, në rast se ai të cilit i merret organi, nuk e ka ofruar atë shprehimisht në të gjallë të tij.

Prandaj, me ndryshimin përkatës, mjekët, në rastet normale do të mund t`ua merrnin organet të vdekurve pa pasur nevojë për sqarime të mëtejshme, transmeton albinfo.ch. Ndërsa aktualisht, dhuruesit potencialë të organeve për transplantim në Zvicër duhet të kenë një librezë, si dhurues organesh. Ose, ata duhet që në të gjallë të tyre t`ua shprehin familjarëve miratimin për marrje të organeve në rast të vdekjes.

Për sondazhin në fjalë janë anketuar 1002 persona.