77.6% e të moshuarve mbi 65-vjeç e përdorin internetin në Zvicër

Ilustrim, Pixabay

WEMF AG ka nxjerrë studimin e fundit ku thuhet se të rinjtë e moshës 14 vjeç e lartë, 93.9% e tyre e përdorin internetin.

Megjithatë, në Zvicër edhe të moshuarit mbi 65-vjeç këtë vit 77.6% përdorin rregullisht internetin dhe aplikacionet online, zbuluan studiuesit. Dy vjet më parë, kjo shifër ishte 72.5%, shkruan swissinfo.ch.

Në përgjithësi, shumica e njerëzve hyjnë në internet përmes një smartphone (93.6%). Kjo pasohet nga laptopi (75.4%) dhe tableti/iPad (50.2%).

Një ndarje sipas gjinisë zbulon se më shumë meshkuj përdorin internetin sesa femra. Por përqindja e grave në internet vazhdon të rritet: nga 90.4% në 2021 në 92% këtë vit, përcjell albinfo.ch.