840 ura në Francë rrezikojnë të shemben

Shtohet frika pas shembjes së urës në Gjenova të Italisë

Një auditim ndaj qeverisë franceze ka dalë me përfundimin se 840 ura franceze kanë dëmtime shumë serioze dhe kërcënojnë shembjen.

Presidenti francez, Emmanuel Macron, ka premtuar një infrastrukturë të re, por presioni është rritur pas kolapsit të një ure në Gjenova të Italisë që la të vdekur 43 persona, shkruan “Radio Evropa e Lirë”.

Auditimi i publikuar të dielën nga gazeta ditore “Journal du Dimanche” deklaroi se nga 12,000 ura në Francë, çdo e treta ka nevojë për riparim dhe 7 për qind, apo 840 ura janë në rrezik të shembjes, përcjell albinfo.ch.

Ministrja e Transportit, Elisabeth Borne, deklaroi se mirëmbajtja e urave është prioritet yni.

Tragjedia në Gjenova ka mobilizuar jo vetëm Italinë, por thuajse gjithë Evropën, për t’i mirëmbajtur urat dhe për t’i rinovuar ato të vjetrat.

43 ishte bilanci i të vdekurve në qytetin italian, në mesin e tyre edhe dy shqiptarë.