Die Presse: Patriarku serb kërkon që Kosova të mbrohet me dhunë

Gazeta prestigjioze austriake "Die Presse“ ka raportuar për çmendurinë e radhës të Patriarkut serb, Irinej. Këtë herë ai ka thënë se Kosovën duhet mbrojtur me çdo kusht, qoftë edhe me dhunë

Kreu i Kishës Ortodokse Serbe, Patriarku Irinej kërkon për të mbrojtur me të gjitha forcat interesat serbe në Kosovë. “E vërteta duhet për fat të keq të mbrohet edhe me dhunë”, ka thënë Irinej të shtunën për gazetën serbe të Kosovës “Jedinstvo”, shkruan gazeta austriake “Die Presse”.

“Ne i lutemi Zotit që kurrë më të mos humbim pjesë të vendit tonë, ne duhet t` i mbrojmë ato qoftë edhe me dhunë”.
Kosova e cila është e banuar kryesisht me shqiptarë, para tetë viteve është shpallur e pavarur dhe deri më tash është njohur nga më shumë se100 shtete të huaja, shkruan e përditshmja austriake, përcjell albinfo.ch.
“Serbia dhe kisha e saj, Kosovën e konsiderojnë vendin më të shenjtë të saj, ku çdo pëllëmbë e tokës është e lagur me gjakun e bijve më të mirë, vajzave dhe fëmijëve të popullit tonë”, ka thënë patriarku.