Edhe Gjermania ua konfiskon të hollat refugjatëve

Refugjatët në Gjermani me të mbërritur në vend duhet të dorëzojnë të hollat dhe gjësendet me vlerë. Tashmë kjo praktikë po alikohet në vende të tjera evropiane, si Zvicra dhe ndoshta së shpejti edhe në Danimarkë, shkruan gazeta gjermane “Bild”, përcjell albinfo.ch.

“Praktikat në Bavari dhe procedurat gjermane përputhen me ato në Zvicrën fqinje”, tha për “Bild” ministri i Brendshëm bavarez, Joachim Hermann.

Kjo do të thotë se refugjatët pas mbërritjes në Gjermani do t’i nënshtohen kontrollit për të verifikuar se cilat dokumente identiteti ata posedojnë, por edhe për shumën e parave dhe vlerave të tjera, të cilat i kanë me vete.

“Të hollat dhe gjësendet e tjera që tejkalojnë 750 euro mund t’iu merren nëse personi në Gjermani do të hyjë në sistemin e mbështetjes financiare të shtetit”, tha Herman.

Në shtetin fqinj gjerman Baden-Württemberg konfiskohen të gjitha në vlerë 350 euro. Sipas të dhënave të autoriteteve lokale, refugjatëve të sapoardhur në dhjetor u janë konfiksuar të holla në vlerë “katër shifore”.

Kjo praktikë është në përputhje me ligjin gjerman për azilin politik, që nënkupton se aplikuesi për shpenzimet e jetesës duhet të financojë nga fondet e veta për sa kohë që i ka në dispozicion.

Kjo praktikë u konfirmua nga komisari i qeverisë për integrimin, Aidan Ezoguz.

“Kush vjen ë Gjermani për të kërkuar azil, para se të kërkojë ndihmë financiare nga shteti, duhet t’i ketë shpenzuar paratë e tij, përfshirë edhe arin e familjes”, shpjegon Ezogus për Bild.

Përveç Gjermanisë, edhe Zvicra gjithashtu ka marrë të holla dhe gjesend të tjera me vlerë mbi 1.000 franga zvicerane.