Amir Ameti direkt në gjysmë finale të “Die grössten Schweizer Talente”

Amir Ameti është një tjetër talent që ka befasuar jurinë në spektaklin e shout në Zvicër “Die grössten Schweizer Talente” që transmetohet në televizionin SRF.
Për më tepër, djaloshi 16-vjeçar me performancën dhe zërin e tij fitoi “Golden Buzzer”, me të cilin çmim ai u kualifikua direkt për në gjysmëfinale, njofton albinfo.ch.

Amiri me këngën “Make You Feel My Love” nga Bob Dylan “preku” në zemër anëtaren e jurisë, Susanne Kunz. Performanca e tij bindi jurinë, të cilët e votuan katër herë me PO.

E ndërsa Amiri ishte nisur për t’u larguar nga skena, anëtarja e jurisë, Susanne Kunz, në momentet e fundit e thërret Amirin që të presë pak, ndërsa shtyp butonin e “Golden Buzzer” për ta kualifikuar direkt në gjysmëfinale që do të thotë nga të gjithë kandidatët, vetëm pesë e fitojnë këtë çmim.
I befasuar Amiri për këtë, bie në gjunjë duke qarë. Më pas përqafon anëtarët e jurisë.

Amir Ameti është nga Kumanova dhe jeton në St.Gallen të Zvicrës.