BE-ja dhe Turqia arrijnë marrëveshje për krizën e refugjatëve

BE-ja dhe Turqia gjatë bisedimeve të premten në Bruksel kanë arritur një marrëveshje për të kufizuar migrimin në Evropë

„U miratua marrëveshja me Turqinë”, ka shkruar kryeministri çek, Bohuslav Sobotka, në Twitter në orët e fundit të samitit.
“Të gjithë emigrantët e paligjshëm që vijnë në Greqi nga Turqia, duke filluar më 20 mars, do të kthehen”, shtoi ai.
Sipas Sipila, Bashkimi Evropian dhe Turqia kanë rënë dakord për të filluar negociatat për anëtarësim të Turqisë në BE.

“Deri në fund të qershorit, do të hapet kapitullii i 33-të i buxhetit”, shtoi ai.

Marrëveshja duhet të nënshkruhet zyrtarisht nga kryeministri turk, Ahmet Davutoglu, i cili përfaqësoi Turqinë në Bruksel.

Evropa po përjeton krizën më të rëndë të refugjatëve që nga Lufta e Dytë Botërore. Vitin e kaluar një milion emigrantë nga Lindja e Mesme arritën në kontinentin evropian nëpërmjet Turqisë, sipas Organizatës Ndërkombëtare për Migrim.

Fati i gati 3 milionë refugjatëve sirianë që kanë mbetur në territorin turk ishte një çështje shqetësuese në të dy anët përpara bisedimeve në Bruksel.