Sulm me zjarr kundër Ambasadës së Tunizisë në Bernë

Ambasada e Tunizisë në Bernë është sulmuar mbrëmë me mjete zjarri. Zjarri ka qenë i intensitetit të ulët dhe dëmet mbeten të pakëta

Siç bën të ditur gazeta “Le Matin”, Ambasada e Tunizisë në Zvicër ka pësuar ne natën në mes të të martës dhe të mërkurës një sulm kriminel me shumë eksploziv.

Policia Kantonale e Bernës ka bërë të ditur se sulmi në fjalë ka ndodhur këtë natë rreth orës 00.40 minuta, kurse dëmet mbeten të ulëta për shkak se zjarri nuk ka arritur të përhapet. Hetimet kanë filluar për t’i gjetur arsyet dhe përgjegjësit e këtij atentati.

Sipas sindikatave tuniziane, shpjegon gazetari, kjo ngjarje ka ndodhur për shkak të trazirave të ditëve të fundit në Tunizi, prej të cilave kanë mbetur 50 të vrarë.