Von der Leyen në Kosovë, pritet nga Haxhiu

Presidentja e Komisionit Evropian ka nisur vizitën në Prishtinë, ku do të takohet edhe me kryeministrin Albin Kurti

Presidentja e Komisionit Evropian, Ursula von der Leyen, ka nisur sot vizitën e saj në Kosovë, ku është pritur në takim nga ushtruesja e detyrës së Presidentes së Kosovës, Albulena Haxhiu. Takimi është zhvilluar në Presidencë, në kuadër të vizitës së saj në Prishtinë, përcjell albinfo.ch.

Gjatë qëndrimit në Kosovë, von der Leyen do të takohet edhe me kryeministrin Albin Kurti. Takimi në ndërtesën e Qeverisë është paraparë në orën 13:00, ndërsa pas tij është paralajmëruar edhe një konferencë për media.

Vizita në Kosovë është pjesë e turit të saj të gjashtë vjetor në Ballkanin Perëndimor, i cili nisi më 30 shtator në Tiranë dhe përfundon më 2 tetor në Shkup. Pas Prishtinës, von der Leyen do të udhëtojë sot drejt Podgoricës.

Sipas Komisionit Evropian, në fokus të takimeve janë hapat e mëtejshëm në rrugën drejt integrimit evropian dhe procesi i integrimit gradual, i mbështetur nga Plani i Rritjes së BE-së për Ballkanin Perëndimor, me vlerë prej 6 miliardë eurosh./Albinfo.ch

---