Alther tërhiqet, Häfner në krye të shoqatës “Zvicër-Shqipëri”

«Pas katër mandateve, unë, në kuvendin e rregullt të shoqatës për vitin 2016 kam dhënë dorëheqje nga pozita e kryetarit», bën të ditur në një njoftim për shtyp, kryetari i deridjeshëm, Alther

Në kuvendin e rregullt të mbajtur disa ditë më parë të shoqatës «Zvicër-Shqipëri» kryetari i deritashëm dhe themeluesi i saj, Rolf Alther ka dhënë dorëheqjen nga funksioni i tij. Në postin e kryetarit është zgjedhur Lars Häfner.

«Pas katër mandateve, unë, në kuvendin e rregullt të shoqatës për vitin 2016 kam dhënë dorëheqje nga pozita e kryetarit», bën të ditur në një njoftim për shtyp, kryetari i deridjeshëm, Alther.

Si pasues imi është zgjedhur lic.iur. Lars Häfner. Z. Häfner vepron prej kohësh në Shqipëri dhe për Shqipërinë. Që nga viti 1994 ai kishte punuar në një projekt në Shqipëri (në një partneritet shkollash. Nga viti 1994 Häfner ka qenë bashkëpërgjegjës i publikimit të njohur me emrin «Newsletter Albanien, ndërsa që nga viti 1999 edhe i faqes së internetit albanien.ch.

Në vitin 2007 ai ka qenë bashkëhemelues i shoqatës Zvicër-Shqipëri, ndërsa që nga viti 2008 edhe anëtar i kryesisë, me fokusim në përkujdesjen për faqen tonë të internetit. Pak kohë më parë ai e ka përtëritur me themel, e ka zgjeruar dhe e ka formësuar nga ana informative këtë faqe www.schweiz-albanien.ch.

Pa dyshim, z. Häfner me kryesinë shumë të motivuar, do ta udhëheqë shoqatën drejt niveleve të reja, më të larta. Unë i uroj atij dhe shoqatës një veprim të suksesshëm në interes të Shqipërisë dhe të Zvicrës»; përfundon letra e kryetarit të deritashëm të shoqatës, Rolf Alther, shkrun albinfo.ch

Alther e ka themeluar dhe drejtuar shoqatën nga viti 2007. Kjo shoqatë ka punuar në afirmimin e Shqipërisë në Zvicër, me fokusim në nxitjen e bashkëpunimit ekonomik dhe të turizmit në mes tüe dy shteteve. Në këtë drejtim ka organizuar një sërë aktivitetesh në Zvicër dhe në Shqipëri.