Kërkohet bllokimi i parave të presidentit të shkarkuar tunizian

Qeveria Zvicerane me këtë rast duhet të ketë parasysh interesin e Zvicrës por edhe atë të popullit të Tunizisë

Komisioni për Politikë të Jashtme i Dhomës së Kantoneve të Parlamentit të Zvicrës ka kërkuar nga Qeveria Federale që të bllokojë të hollat të cilat mund t`i ketë deponuar në Zvicër ish presidenti tunizian, Zine al-Abidine Ben Ali.

Sipas asaj që për emisionin Tagesschau të televizionit sf1, ka deklaruar kryetari i këtij komisioni, Eugen David, pasuria e tij, në rast se gjendet në Zvicër, duhet që të bllokohet përkohësisht.

Qeveria Zvicerane me këtë rast, thotë David, duhet të ketë parasysh interesin e Zvicrës por edhe atë të popullit të Tunizisë.

Komisioni beson se së shpejti do të ketë një vendim të qeverisë lidhur me këtë çështje.