BE nis hapat e parë në hetim e raportit të Martyt

Misioni i BE-së në Kosovë, komponenta e policisë në kuadër të EULEX-it, ka filluar hetimet bazë mbi pretendimet që kryeministri i Kosovës në largim,  Hashim Thaçi është përgjegjës për vrasjen e të burgosurve serbë dhe shitjen e veshkave të tyre, në fund të viteve 1990.

Prokurorja e EULEX-it, Isabelle Arnal dhe zëvendësprokurorja kosovare Sevdije Morina, u takuan me homologët shqiptarë në Tiranë të martën për të kërkuar garanci se autoritetet shqiptare do të bashkëpunojnë në lidhje me hetimin.

“Ky është takimi i parë i këtij lloji dhe është shumë herët të them nëse Tirana do të ndihmojë”, tha një zëdhënëse e EULEX-it, të mërkurën në mëngjes për EUobserver.

Ajo ka shtuar se EULEX-i, rreth tri javë më parë ka dërguar një letër ku i kërkon prova Dick Martyt, një politikan zviceran që akuzoi në dhjetor, përmes nje raporti, Hashim Thaçin, dokument të hartuar për llogari të  Këshillit të Evropës.

“Ne e dimë që Dick Marty ka marrë letrën, por ne nuk e dimë se çfarë do të na sigurojë ai|”, ka thënë zëdhënësja e EULEX-it.

Këshilli i Evropës do të debatojë gjetjet e tij më 24 janar. Parlamenti Evropian është gjithashtu i prirë për të marrë në pyetje Martyn mbi këtë çështje.

Human Rights Ëatch, me seli në SHBA i ka bërë thirrje EULEX-it të emërojë “një prokuror të pavarur, të nivelit të lartë e të veçantë i cili ka përvojë për të hetuar rastet komplekse kriminale” dhe për të nisur një program të ri për mbrojtjen e dëshmitarëve-në mënyrë që të merret me hetimin.

Hashim Thaçi disa herë e denoncoi raportin e Martyt si “shpifje” të dizajnuara për të njollosur emrin e rezistencës së luftëtarëve kosovarë dhe të delegjitimojë shtetin e  Kosovës.