Papunësia, rekord e ulët në BE

Në BE situata është përmirësuar paksa në tregun e punës. Në zonën e euros papunësia ka rënë me 0.1 për qind, në 10.3 për qind, ka njoftuar Agjencia e Statistikave Eurostat, përcjell albinfo.ch. Bëhet fjalë për nivelin më të ulët që nga viti 2011.

Shkalla e papunësisë është në nivel në tërë vendet e Unionit në 8.9 për qind. Bëhet fjalë për një rekord. Që nga maji 2009 norma nuk ka qenë kaq e thellë.

Në terma absolutë, papunësia ra në BE krahasuar me muajin janar 2016 për 59.000 persona. Kështu, një total prej 21.651 milionë burra dhe gra kanë mbetur pa punë.

Në mesin e shteteve anëtare, Gjermania ka regjistruar 4.3 për qind dhe Republika Çeke 4.5 për qind papunësinë më të ulët. Normat më të larta në BE kanë Greqia (të dhënat e fundit të dhjetorit: 24.0 për qind) dhe Spanja me 20.4 për qind.