Zvicra thërret shtetasit e saj të braktisin Egjiptin

Departamenti i jashtëm u kërkon atyre që, në rast të braktisjes së Egjiptit, të kontaktojnë Ambasadën e Zvirës në këtë vend

Departamenti Federal i Punëve të Jashtme u ka rekomanduar shtetasve të Zvicrës që të heqin dorë nga udhëtimet turistike dhe udhëtimet tjera, jo të domosdoshme drejt Egjiptit.

Departamenti në fjalë kërkon po ashtu edhe nga zviceranët që aktualisht ndodhen në Egjipt që përkohësisht të braktisin këtë vend.

Sipas shënimeve që kanë autoritetet zvicerane, qëndrimin e tyre në Egjipt e kanë paraqitur në Ambasadën e Zvicrës në Kajro gjithsej 1574 shtetas zviceranë.

Departamenti i jashtëm u kërkon atyre që, në rast të braktisjes së Egjiptit, të paraqiten në ambasadë. Personeli i kësaj të fundit, duke filluar nga e hëna (nga sot) do të jetë i pranishëm në Aeroportin e Kajros për të ndihmuar ata që duan të udhëtojnë drejt Zvicrës.