Protestat në Shkup eskalojnë në dhunë

Vendimi i presidentit Ivanov për amnestimin e funksionarëve politikë nga përgjegjësia penale ka shkaktuar protesta që kanë përshkallëzuar në dhunë

Protestuesit kanë thyer dritaret e zyrës së kryetarit të shtetit Ivanov, zyrës së Ministrisë së Drejtësisë, Parlamentit dhe kanë gjuajtur qeverinë e Maqedonisë.

Policia ka provuar të ndalojë protestuesit, por pa sukses, pasi ata kanë thyer disa herë kordonin e policisë.

Protestat u organizuan nga 85 OJQ, të cilët bërtasin ”Pa drejtësi, s’ka qetësi”.

Ministria e Punëve të Brendshme thotë se janë arrestuar 12 persona dhe është lënduar 1 polic, shkruan telegrafi.com

Më herë mijëra qytetarë të cilët dogjën fotografitë e presidentit maqedonas Gjorge Ivanov para zyrës së tij për lidhje me qytetarët në qendër të Shkupit e kishin shpërthyer kordonin policor dhe kishin mësyrë drejt Parlamentit.

Atje ata hasën në një kordon tjetër policësh.

Qendra e Shkupit vlonte nga policët, të cilët ishin nxjerrë për të parandaluar përballjen direkte të protestuesve dhe kundërprotestuesve të organizuar nga VMRO-DPMNE-ja në pushtet.