Shfaqja “Mullinjtë me erë” e Jeton Nezirajt, premierë në Heilbronn

Në mesin e 24 premierave që ka vendosur në repertorin e tij për këtë vit, Teatri i Qytetit të Heilbronn-it, Gjermani, ka edhe dy që për herë të parë në përgjithësi përgatiten për këtë teatër. Njëra prej tyre është drama “Windmühlen” (Mullinjtë me erë) autorit nga Kosova, Jeton Neziraj.

Në një artikull të publikuar nga “Heilbronner Stimme”, Neziraj prezantohet si “Njëri ndër intelektualët kryesorë të Kosovës”, i cili në këtë rast ka shkruar një tekst teatror enkas për këtë teatër, transmeton albinfo.ch. Drama ka për subjekt miqësinë e dy fëmijëve, përmes të cilës tematizon imazhet e ngarkuara me paragjykime që ne kemi për Kosovën. Një produksion në këtë temë, për fëmijët mbi 9 vjeçarë do të shfaqet edhe në Prishtinë, shkruan gszeta Heilbronner Stimme..