Gjenden tre pleq të vrarë me armë zjarri

Sipas policisë, aktualisht nuk ka ndonjë indikacion që në këtë krim të jenë përfshirë edhe persona të tjerë, veç tre të vrarëve

Tre njerëz të moshuar, dy burra dhe një grua, janë gjetur të vrarë nga armë zjarri në një shtëpi në lokalitetin Niederbipp të kantonit të Bernës.

Policia ka njoftuar se tre të vrarët janë gjetur në mbrëmjen e të martës dhe bëhet fjalë për një grua rreth 90 vjeçe dhe dy burra rreth të shtatëdhjetave.

Në lokalin afarist dhe në shtëpinë e banimit mbi të, janë gjetur dy revole me të cilat besohet se janë kryer vrasjet. Sipas policisë, aktualisht nuk ka ndonjë indikacion që në këtë krim të jenë përfshirë edhe persona të tjerë, veç tre të vrarëve, raporton sf1.

Policia nuk ka bërë identifikimin e të vrarëve dhe ajo beson se është fjala për një delikt brenda familjes.