Gjuetari vret në shtëpinë e tij shqiptarin 18 vjeçar të dyshuar për vjedhje

Ngjarja tronditëse ka ndodhur të martën në mëngjes në Neunrade të Gjermanisë. I riu kishte marr plagë të rënda nga të cilat dhe ka ndërruar jetë pasditen e sotme

Një gjuetar 63 vjeçar ka qëlluar me armë zjarri një shqiptar të moshës 18 vjeçare, i cili dyshohet se kishte hyrë për të vjedhur në shtëpinë e tij. Ngjarja tronditëse ka ndodhur të martën në mëngjes në Neunrade të Gjermanisë, transmeton albinfo.ch mediat gjermane. I riu kishte marr plagë të rënda nga të cilat dhe ka ndërruar jetë pasditen e sotme.

Burri 63 vjeçar rreth orës 2:30 dëgjon një zhurmë në shtëpinë e tij. Ai ngrihet, merr një armë me vete dhe kontrollon dhomat. Në një dhomë në katin e sipërm e takon hajdutin. Kur ata të dy përballen më njëri tjetrin, burri nxjerr revolen dhe e qëllon.

Prokurori  Beatriz Föhring ka thënë: “Viktima ishte qëlluar në kokë dhe kishte pësuar plagë të rënda. Edhe pse me orë të tëra mjekët u munduan që ta kthejnë në jetë 18 vjeçarin, megjithatë ishte e pamundshme”, shkruan bild.d, njofton “albinfo.ch”.

Sipas gazetës gjermane i riu shqiptar kishte ardhur si emigrant në vitin 2015 në Gjermani. Së fundmi ai kishte jetuar në një strehimore në Dortmund.