Buxheti i Zvicrës “del me fitim” prej 3.6 miliardësh

Buxheti i Zvicrës për vitin 2010 ka dalë me fitim prej 3.6 miliardë frangash. Fillimisht qe menduar se ky buxhet do të kishte një deficit prej dy miliardë frangash, por pastaj qe konstatuar një tepricë që ishte për 600 milionë më pak se kjo që është publikuar sot.

Nga kjo del se kriza financiare ka goditur dukshëm më pak ekonominë zvicerane se sa që është menduar më parë.

Nga ana tjetër buxheti ka fituar 4.6 miliardë franga më shumë nga tatimet. Para së gjithash bëhet fjalë për tatimin mbi vlerën e shtuar dhe tatimin e drejtpërdrejtë federal.