Qeveria kundër forcimit të tepruar të frangut

Forcimi i madh i frangut kundruall euros dhe valutave tjera rrezikon para së gjithash turizmin zviceran

Qeveria Federale e Zvicrës ka vendosur të marrë masa për evitimin e pasojave të forcimit të tepruar të frangut. Me këto masa synohet të sigurohet mbështetje në veçanti për turizmin dhe për eksportin.

Për këtë arsye, qeveria ka vendosur që për këtë vit dhe vitin që vjen të japë edhe nga 12 milionë franga plotësuese për të tërhequr turistët e huaj në Zvicër.

Forcimi i madh i frangut kundruall euros dhe valutave tjera rrezikon para së gjithash turizmin zviceran, shkruan nzz.ch.

Qeveria ka marrë po ashtu vendim edhe për disa masa të caktuara ndihmëse për të vazhduar sigurimin e eksporteve nga rreziku.