Jakup Krasniqi rikthehet në postin e kryetarit të Kuvendit

Në seancën e parë të Kuvendit, me shumicë votash është zgjedhur Jakup Krasniqi për kryetar të Kuvendit.

Po ashtu janë zgjedhur edhe tre nënkryetarë të Kuvendit. Xhavit Haliti nga PDK, Sabri Hamiti nga LDK dhe Glauk Konjufca nga Vetëvendosje.

Nënkryetar i Kuvendit nga radhët e komunitetet serb është zgjedhur Petar Miletiq, ndërsa Enis Kerman është zgjedhur nga komunitetet të tjera

Ndërkohë ka përfunduar seancë e parë e Kuvendit, ndërsa pas orës 13:00 është caktuar të mblidhet Kryesia e re e Kuvendit për të caktuar rendin e ditës. Seancë do të vazhdojë pasdite, ku pritet të votohet presidenti dhe qeveria e re.

Në seancën konstituive të Kuvendit të Kosovës është bërë betimi solemn i deputetëve.  Pas leximit të tekstit, deputetët janë betuar, ndërsa janë duke nënshkruar deklaratë betimi. Deputetët e Vetëvendosjes janë ngritur në këmbë, si edhe të gjithë deputetët të tjerë, ndërsa ata para vetes kanë pasur nga një flamur kombëtar.