Gjykata Federale vërteton dënimin e dentistit

Dentisti duhet t`i paguajë vajzës 15 vjeçe 6000 franga në emër të kompensimit, ka vendosur Gjykata Federale

Një dentist nga Bazeli i kishte nxjerrë një pacienteje të re katër dhëmbë të shëndoshë ndërsa duhej t`ia nxirrte dhëmbin e pjekurisë. Pasi që e dëmtuara kishte paraqitur rastin në gjyq, Gjykata e Apelit e kantonit të Bazelit e kishte shpallur fajtor dentistin për pakujdesi me pasoja.

Për këtë i kishte shqiptuar atij një dënim me kusht me të holla prej njëqind njësishë ditore nga 500 franga. Po ashtu dentisti duhej t`i paguante vajzës 15 vjeçe 6000 franga në emër të kompensimit të dëmit.

Duke u ndjerë i dëmtuar, dentisti kishte bërë ankesë në Gjyqin Federal në Lozanë. Ky i fundit, përmes një verdikti të shpallur sot ka mbështetur vendimin e kolegëve të gjyqit më të ulët dhe ka shpallur sërsih fajtor dentistin.