Ligji i ri, më i ashpër ndaj pedofilëve

(teaser) Pedofilët nuk do të kenë të drejtë të punojnë si mësues as në rastet kur veprën penale e kanë kryer gjatë kohës së lirë

Në të ardhmen ndalimi që pedofilët të ushtrojnë profesionin e tyre duhet të bëhet në mënyrë më të thjeshtë. Për të mundësuar këtë thjeshtësim, Qeveria Federale ia ka kaluar parlamentit një propozimligji për miratim.

Sipas ligjit në fuqi, ndalohet vetëm angazhimi i pedofilëve në punë profesionale ndërsa me propozimin e ri  do të ndalohej edhe puna e tyre në shoqata sportive ose në ato të skautëve. 

Gjithashtu, pedofilët që kanë kryer dënimin nuk do të kenë të drejtë të punojnë si mësues as në rastet kur veprën penale e kanë kryer gjatë kohës së lirë dhe jo gjatë punës.

Madje, në ligjin e ri do të përfshihen edhe ndalesat për qasje në rajone të caktuara dhe për vendosje kontaktesh me persona të caktuar.