Kuvendi mund ta rrëzojë qeverinë

LDK, Vetëvendosje dhe AAK kanë paralajmëruan se do të rrëzojnë qeverinë e sapozgjedhur të koalicionit qeverisës PDK, AKR dhe minoritetet.

Dilemat rreth legjitimitetit të zgjedhjeve që prodhuan këtë koalicion dhe problemet e fundit me zgjedhjen e presidentit dhe qeverisë janë aspektet e para me të cilat do të shërbehen LDK-ja, Vetëvendosje dhe AAK kundër Qeverisë.

Ndryshe nga vendet e rajonit, kur opozita aplikon edhe bojkotin e Kuvendit, si formë e presionit, tash për tash tri partitë në Kosovë nuk do ta ndjekin një rrugë të tillë.

Ndërkohë, kryetari i Kuvendit, Jakup Krasniqi ka thënë se nuk do ta mbështesë iniciativën e LDK-së për ta çuar në Gjykatën Kushtetuese çështjen e zgjedhjes së presidentit Behgjet Pacolli, në seancën e jashtëzakonshme të Kuvendit, më 22 shkurt. Krasniqi ka thënë se nuk do ta kundërshtojë një iniciativë e tillë të finalizohet.

Po ashtu Krasniqi ka mohuar deklaratat e Pacollit se ai është bashkëfajtor për shkeljen e Kushtetutës. Ai atha se si Kryesia e Kuvendit e ka kryer punën siç duhet dhe se vendosja e karriges së presidentit në Kuvend, ashtu siç është kërkuar, i takon mentalitetit të së kaluarës. Kryeparlamentari tha se nuk mund të përcaktojë nëse është shkelur Kushtetuta dhe këtë, sipas tij, do ta vendos Gjykata Kushtetuese.