Pas arrestimit të tetë plaçkitësve

Reduktohet numri i plaçitjeve

Policia kantonale e Cyrihut ka lëshuar një komunikatë, të cilën e transmeton e përditshmja zvicerane “20 Minutes”, në të cilën thuhet se janë arrestuar tetë të rinj të moshës 17-, deri 20-vjeçare , të cilët kanë shkaktuar një dëm prej rreth 50.000 frangave zvicerane dhe kanë plaçkitur mallra në një vlerë të përgjithshme prej 45.000 frangave. Hetimi kishte pasur sukses, duke i falënderuar arrestimit të dy vëllezërve kosovarë, pas një plaçkitjeje në një depo të pijeve, në maj të vitit të kaluar.

Njëri nga vëllezërit, i moshës 19-vjeçare, ka praniar se ka kryer rreth 20 plaçkitje. Objektive të bandës kanë qenë ndërtesat industriale, shitoret dhe restorantet. Ata gjithashtu kanë plaçkitur biçikleta, motoçikleta dhe vetura, ndërsa disa prej tyre i kanë ngarë pa patentë shoferi. Ata rregullisht visheshin me rrobe të vjedhura dhe të hollat e fituara nga plaçkitjet, i shfrytëzonin për shëtitje. Që të gjithë personat janë me prejardhje nga Ballkani, ndërsa tre nga ta posedojnë pasaporta zvicerane.